Flotte skiforhold på øya vår

Onsdag denne veka hadde pappaen i huset ein fantastisk flott skitur i fjella her på øya (Hareidlandet). Lokalavisa Vikebladet har laga ei lita reportasje/bildeserie frå turen. Her kan du sjå bildeserien

Vi har fått litt snø...

I helga fekk vi litt snø. Ikkje så mykje, men nok til å kunne kome seg ut på ski. Vi fekk oss fire kjekke turar ut på laurdag og søndag. Ikkje lenger enn til hagen på laurdagen, men på søndagen fekk vi kose oss i ein bakke lenger borte i gata. Ja til lokalturen og ja til skileik...

Sondre blei skikkeleg gira på hopping,og ekstra motivert vart han då vi lovde han å kjøpe og lage til ei hoppebok/skibok. Her kan han skrive opp kor mange hopp han har tatt, og kor langt han har gått. Kjekt når slike ting motiverer. Han hoppa vel over 50 hopp i løpet av helga:) Stor stas.

Håvard fann ut at det var veldig gøy å renne slalom med rattkjelken med mormor bakpå. Spesielt gøy var det når han svingte så kraftig at ho datt av i fart... Godt dei har ei sprek mormor som tåler eit fall og to:)

Januarlyset

Det beste med januar er lyset. Kvar dag blir lengre, og når sola står på er det som ein kraftig lyskastar er satt inn frå sida mot naturen. Ikkje ovanfrå, men frå sida. Til og med dei spede lyngplantene som stikk opp av snøen lager lange skuggar over den bare lyngheia. Ulsteinvik er ein fantastisk fin plass å bu i januar. Ein går berre rett ut frå døra og får dette med seg på ein totimars-tur.

Treng ikkje alltid å gå så langt

Ein treng ikkje alltid å gå så langt for å finne eit fint motiv. I dag var det fint å berre rusle seg ein liten tur rett utanfor døra.  Månen lyste sterkt, dei normalt våte stiane var gjenfrosne og det lille snølaget vi fekk i dag gav ei nydeleg vinterstemning ute.